|
|
 |
|
Y Qur’an yw llyfr sanctaidd Islam. Mae’n cynnwys y geiriau a ddywedodd Allah wrth y proffwyd Muhammad. Arabeg yw iaith y Qur’an. Mae’r Qur’an yn dysgu Mwslimiaid sut mae byw. Er enghraifft, mae’n cynnwys rheolau ymddygiad. Cyn darllen y Qur’an, mae Mwslimiaid yn ymolchi. Maen nhw’n aml yn eistedd ar y llawr i ddarllen y Qur’an. Maen nhw’n rhoi’r Qur’an ar stand, yn hytrach na’i roi ar y llawr. Maen nhw’n dangos parch at y Qur’an ac at eiriau Allah. Mae Mwslimiaid yn aml yn dod i’r mosg i eistedd yn dawel a darllen y Qur’an. Mae’r llun yn dangos copïau o’r Qur’an ar y silff lyfrau gyda’r standiau ar y silff waelod. |