|
|
 |
|
‘Does dim rhaid i Fwslimiaid weddïo yn y mosg, er bod hynny’n well ym marn y rhan fwyaf. Maen nhw’n cael gweddïo yn unrhyw le. Pan mae’n amser gweddïo, maen nhw’n rhoi’r gorau i’w gwaith, yn rhoi mat gweddïo ar y llawr ac yn dechrau gweddïo. Mae’r mat gweddïo yn lle glân. Gall y mat fod yn unrhyw liw. Fel arfer mae patrymau geometrig arnyn nhw a llun o fosg. Weithiau mae cwmpawd arnyn nhw i helpu’r addolwr i chwilio am gyfeiriad Makkah. Mae’r mat gweddïo yn y llun yn cael ei ddefnyddio gan yr imam yn y mosg yng Nghaerdydd wrth iddo sefyll o flaen y Mihrab yn arwain y gweddïo. |