Cyfri'r Dyddiau cyn Copenhagen: 'Trafodaeth Fawr y Newid yn yr Hinsawdd - Sut i gymryd rhan'

Mae'r pecyn hwn yn galluogi disgyblion i gymryd rhan mewn ffug-drafodaeth ynghylch y newid yn yr hinsawdd sy'n seiliedig ar gynhadledd COP15 y Cenhedloedd Unedig. Gellir ei ddefnyddio hefyd i edrych ar ganlyniadau'r trafodaethau a holi'r disgyblion a ydynt yn cytuno â'r penderfyniadau a'r hyn y gallant ei wneud eu hunain i fynd i'r afael â'r materion.

Mae'r pecyn yn cynnwys set o weithgareddau gan gynnwys cardiau 'top trymps', gweithgareddau chwarae rôl a chyfleoedd ymchwilio. Gall chwaraewyr gyflawni nifer o rolau o weithredu fel Ysgrifennydd Cyffredinol y Cenhedloedd Unedig i fod yn newyddiadurwr a chael gofyn cwestiynau anodd.