Yr Wyddor Gymraeg

CYNNWYS

Prif Ffocysau: Cwricwlwm Cymreig ,
Ffocysau Pellach: Cyflawniad Bechgyn, Sgiliau Llythrennedd, Dysgu wedi’i Bersonoli, Dwyieithrwydd,

Sut y defnyddiwyd yr adnodd?

Cafodd yr adnodd ei ddefnyddio gan dri dosbarth ail iaith ym Mlwyddyn 5 fel adnodd adolygu ac i rai fel cyflwyniad i’r Wyddor Gymraeg.

Fe wnaeth disgyblion Blwyddyn 5 fwynhau defnyddio adnodd yr Wyddor Gymraeg gan GCaD. O ran cyflawniad bechgyn, fe wnaethon nhw fwynhau natur yr adnodd ac roeddent yn hoffi eu bod yn gallu rheoli cyflymdra’r gweithgaredd wrth weithio ar gyfrifiaduron personol unigol.
Cafodd disgyblion eu cyflwyno i’r adnodd fel dosbarth gan ddefnyddio bwrdd gwyn rhyngweithiol.
Yna yn eu parau partneriaid meddwl, fe ddefnyddion nhw’r adnodd yn yr ystafelloedd TGCh gyda ffonau pen i ymarfer y seiniau.
Cafwyd bod hyn yn ddefnyddiol iawn wrth addysgu ynganu llythrennau Cymraeg yr wyddor yn gywir. Bu disgyblion yn gofyn am gyngor eu cyfoedion yn ogystal â defnyddio’r adnodd yn rhyngweithiol.
Mae hefyd yn ddiddorol i’r plant weld yr holl lythrennau ar unwaith gan nad oedd rhai disgyblion yn ymwybodol o’r gwahaniaethau rhwng yr Wyddor Gymraeg a’r Wyddor Saesneg.
Roedd yr ail weithgaredd, oedd yn dangos gair i bob llythyren, hefyd yn ddefnyddiol ac ysbrydolodd y gweithgaredd hwn y plant i greu eu geiriadur bwyd eu hunain yn y Gymraeg. Roedd y disgyblion yn llawer mwy hyderus nag mewn ceisiadau blaenorol i gyflawni’r gweithgaredd ac fe ddarllenon nhw eu gwaith i’w partneriaid a hefyd cyflwyno eu gwaith i’r dosbarth a pheth i’r grŵp blwyddyn cyfan.

Effaith a Chanlyniad

Y prif ddeilliant oedd gwelliant amlwg wrth ynganu’r wyddor Gymraeg a seiniau cysylltiedig.
Oherwydd bod disgyblion yn gallu troi ’nôl a gwrando dro ar ôl tro ar seiniau unigol, roedden nhw’n gallu canolbwyntio ar eu hanghenion dysgu eu hunain.
Roedd canolbwyntio’r plant yn dda iawn, er iddo gael ei lunio fel gweithgaredd CA1; roedd hi’n fuddiol ei ddefnyddio gyda dysgwyr ail iaith CA2.
Roedd bechgyn yn ymddangos fel petaent yn canolbwyntio’n amlwg ar y gweithgaredd oherwydd eu bod yn gallu rheoli cyflymdra’r gweithgaredd a’u bod yn mwynhau’r nodweddion oedd yn gysylltiedig â’r adnodd. Yn weledol, mae’r adnodd yn ddeniadol i’r disgyblion.
Roedd y tri athro oedd yn ymwneud â’r adnodd, pob un ohonynt â lefelau amrywiol o ran sgiliau TGCh, yn ei gael yn hawdd i’w ddefnyddio. Nid oedd dau ohonynt yn gallu siarad Cymraeg ac roeddent yn gwerthfawrogi clywed geirfa’r adnodd eu hunain.
Fe wnaeth plant oedd ag anghenion dysgu ychwanegol ymdopi’n dda iawn â’r gweithgaredd, gyda phwy bynnag roeddent yn cael eu partneru.

Adborth gan y Dysgwr

‘Fe helpodd ni i ddysgu’r Wyddor Gymraeg yn gywir.’

‘Fe wnes i fwynhau defnyddio’r cyfrifiaduron i wrando ar y llythrennau eto fel y gallwn eu hymarfer nhw.’

‘Fe helpodd fi i ddweud y geiriau’n gywir ar gyfer fy Nyddiadur Bwyd.’

Adnoddau Eraill

Cynllun Cymraeg y Sir