Llifogydd yng Nghymru
Ffocysau Pellach: Arfer myfyriol, DMaAGD, Sgiliau Rhifedd,
Sut y defnyddiwyd yr adnodd?
Defnyddiwyd yr adnodd fel rhan o destun ar ein hardal leol a ‘Daearyddiaeth yn y Newyddion’.
Cyflwynwyd y dosbarth i ardal yng Nghymru a oedd wedi dioddef llifogydd, a’r effaith ar y gymuned leol. Gan ddefnyddio adnodd Asiantaeth yr Amgylchedd ar NGfL Cymru, cymharodd y disgyblion eu hardal eu hunain a phosibilrwydd o lifogydd yn ogystal â’r hyn y byddai’r llifogydd yn effeithio arno, a sut byddent yn ymateb ac addasu.
Effaith a Chanlyniad
Rhoddodd y gweithgaredd hwn gyfle ardderchog i’m dosbarth ddechrau archwilio materion sy’n wynebu pobl yng Nghymru heddiw wrth i ni barhau i ganolbwyntio ar waith yn ein hardal leol.
Cyfrannodd y gwaith hwn tuag at ddatblygu sgiliau meddwl beirniadol.
Rhoddodd y gweithgaredd hwn ddigon o gyfle i ddefnyddio’r hyn yr oeddent wedi’i ddysgu i fyfyrio ar sefyllfaoedd yn eu rhan nhw o Gymru.
Adnoddau Eraill
Fersiynau o weithgareddau Llyfr Nodiadau SMART
Gwersi a Ddysgwyd
Ar ôl myfyrio, mae angen i mi ymestyn y gweithgaredd hwn trwy ddod o hyd i luniau o leoliadau gwirioneddol neu arfaethedig eraill yn y Byd Ehangach. Wedyn, gallaf rannu’r dosbarth yn grwpiau a rhoi lleoliad i bob un ei asesu o ran gweithredu a’r eitemau sydd ar gael ar gyfer pecyn llifogydd – a oes pethau fel fflocholeuadau batri ar gael i bawb? A fyddai colli trydan yn broblem i bawb?